Un home de 91 anos foi interceptado na noite deste luns conducindo un turismo en sentido contrario pola autoestrada AP-9 durante polo menos catro quilómetros, segundo informaron a Efe fontes da Garda Civil.
Os feitos sucederon pasadas as 22.00 horas, cando o home supostamente circulou en sentido A Coruña pola calzada de sentido Tui ata que foi detido no termo municipal de Ordes.
O subsector de Tráfico da Garda Civil da Coruña investígao como suposto autor dun delito contra a seguridade viaria.
Só un día antes, o domingo, os usuarios da A-55 que circulaban en dirección a Vigo viviron momentos de tensión por mor da presenza dun condutor que, ao parecer, incorporouse en sentido contrario da marcha e viaxou durante varios quilómetros ao contraxeito ata que se decatou do ocorrido e tomou unha saída sen que o incidente chegase a maiores.