Un incendio calcinou por completo preto de 200 vehículos no despezamento Miniño, no concello pontevedrés de Nigrán, sen causar feridos.
Ao fío das 01:00 horas da madrugada deste mércores, varias persoas particulares chamaban ao Centro Integrado de Atención ás Emerxencias (CIAE) 112 Galicia para alertar dun incendio no que ardían varios vehículos dun deguace, situado nas proximidades do Instituto Proval.
Enseguida, os xestores de urxencias do 112 Galicia comunicaban o sucedido aos Bombeiros de Porriño e de Vigo, aos membros do GES de Val Miñor e aos axentes da Garda Civil e Policía Local. Tamén, foron informados os servizos sanitarios de urxencia da situación.
Os Bombeiros comunicaban ao 112 Galicia pasados uns minutos das 02:00 horas, que o incendio estaba xa controlado.
As tarefas de extinción finalizaron ás 03:00 horas, momento no que así o comunicaban os propios servizos de urxencia. Ademais, indicaban que, finalmente arderan preto de 200 vehículos que tiña almacenados a empresa.
