Axentes da Policía Autonómica da xefatura provincial de Ourense informaron da imputación dun home, veciño da localidade ourensá da Bola como presunto autor dun incendio forestal en Celanova, que afectou a 6.000 metros cadrados de monte. Segundo informou a Xunta, o lume sucedeu o pasado 20 de agosto, no lugar de Sixín, parroquia de Mourillós, e afectou a seis mil metros cadrados de monte.
O imputado estaba a realizar traballos de roza cun motocultor, cando se iniciou o lume, incumprindo así as normas de seguridade.
As dilixencias por estes feitos foron remitidas ao Xulgado de Primeira Instancia e Instrución de Celanova, en funcións de garda. No que vai de ano a Policía Autonómica imputou a 55 persoas con delitos relacionados cos incendios forestais.
Imputado un home como suposto autor dun incendio en Celanova
O lume afectou a 6.000 metros cadrados de monte