A Garda Civil de Ourense identificou, e tomado declaración como investigado, a un mozo que durante os meses de decembro e xaneiro entrou a strong<> roubar en tres ocasións nun bar de Coles e levou, entre outras cousas, tres décimos de strong<> lotería premiados.
Segundo informou o corpo, os roubos tiveron lugar o 25 de decembro e o 4 e 25 de xaneiro nun bar situado na parroquia de Cambeo, en Coles. Tras o peche, o sospeitoso sacaba o bombín da fechadura do establecemento co obxectivo de acceder ao interior e facerse coa recadación.
Nos roubos, apunta a Garda Civil, o home apoderouse de strong<> 500 euros, botellas de alcol e tres décimos de Lotería que resultaron premiados. O investigado é un mozo de 28 anos que actualmente se atopa en prisión cumprindo condena por outros delitos.
