Identificados tras pescar 143 troitas de talla inferior e colgar a 'fazaña' en internet

A Policía Autonómica identificou a dúas persoas que colgaron en redes sociais un vídeo no que se xactaban da captura de 143 troitas en distintos ríos da provincia da Coruña que non respectaban a talla mínima permitida.

A investigación iniciouse o 10 de abril, cando, a través de multitude de denuncias anónimas, os axentes tiveron constancia da difusión dun vídeo nas redes sociais, no que se observa a unha persoa collendo troitas nun lavadoiro, mentres que a que realiza a gravación vainas contando ata conseguir a cifra de 143. O vídeo tivo repercusión a nivel nacional tanto nas distintas redes sociais como en medios especializados neste ámbito.

Tras a investigación, a Policía Autonómica determinou que as acodes autoras do vídeo son residentes do lugar de Sigüeiro, do municipio coruñés de Oroso. Tomóuselles declaración e recoñeceron ser responsables da captura de 143 troitas en ríos da provincia da Coruña.

Tendo en conta que a maioría dos exemplares non alcanzaban a talla mínima esixida, os axentes propuxeron a ambos para sanción ante a Xefatura Territorial da Consellería de Medio Ambiente.