Fariña mantívose firme, forcexou con el a través da porta e conseguiu que o terrorista desistise no seu intento de acceder ao local
O pontevedrés Sergio Fariña protagonizou unha heroica actuación durante o ataque terrorista deste sábado en Londres . Tal e como poden ver neste vídeo, Fariña, que dirixe un restaurante situado no Borough Market, deu refuxio no local a varios cidadáns cando os terroristas irromperon no mercado -tras atropelar a decenas de persoas na ponte de Londres- coa intención de causar o maior número de baixas posibles por apuñalamento.
Con todo, o máis destacable do seu valente proceder foi, sen dúbida, o momento no que un dos atacantes intentou acceder ao local. Fariña mantívose firme, forcexou con el a través da porta e conseguiu que desistise no seu intento. Pouco despois, o terrorista xacía abatido a uns metros do restaurante.
►Todos os detalles, este luns, nas edicións impresas de Diario de Pontevedra e El Progreso