O conselleiro de Medio Ambiente, Territorio e Infraestruturas, Agustín Hernández, asegurou que a Xunta non ten previsto implantar peaxes nas autovías, unha medida que estudan outras autonomías, nin incrementar as achegas económicas ás concesionarias.
"Non temos previsión de aplicar ningún tipo de peaxe nas autovías e tampouco está previsto incrementar as aportacións económicas -ás concesionarias -que temos nos orzamentos", afirmou en declaracións aos xornalistas.
Hernández insistiu en que as achegas ás concesionarias manteranse dentro do marco fixado nos orzamentos.
As contas públicas para 2014 inclúen unha cláusula para valorar diminucións extraordinarias de tráfico.
O responsable de Infraestruturas referiuse tamén á situación do polígono industrial de Morás, na Coruña, un proxecto no que a Xunta investiu 40 millóns de euros pero que requiriría aínda de entre 15 e 20 millóns adicionais para a súa conclusión.
Os orzamentos autonómicos para 2014 non inclúen esta partida, unha decisión que Hernández xustificou aludindo ao nulo interese espertado na oferta de chan industrial pola que non se presentou ningunha proposta.
A prioridade da Xunta, explicou, é impulsar aqueles proxectos que conten con polo menos un 30 por cento de demanda de chan industrial.
No entanto, defendeu o potencial deste polígono, situado no concello de Arteixo, de face ao futuro.
AEROPORTOS
En declaraciones aos xornalistas, Hernández reiterou a aposta da Xunta pola coordinación aeroportuaria co informe de firma de Aena como punta de partida.
"Cada concello poderá, dentro das súas competencias, definir como aplica os seus orzamentos", sinalou o conselleiro, queninsistiu en que o obxectivo a medio plazo é buscar o "equilibrio" polo que as subvencións ás aerolíneas deben ser "transitorias"
"Manter conexiones aeroportuarias a través de axudas eventuais subvencións non é sostible no tempo", remarcou Hernández.
A Xunta mantén a oferta dun centro de compras coxjunta para os tres aeroportos galegos aunque ata o momento non recibiu resposta.
"Cada un é libre de contestar ou non contestar cando se fai unha proposta", afirmou.
