Un home foi achado esta mañá morto no interior da piscina do recinto termal das Burgas, situado no centro histórico de Ourense.
O home, duns 44 anos, foi atopado polo encargado do recinto sobre as 7,20 de horas. Segundo fontes policiais, a principal hipótese é unha morte natural, extremo que está baixo investigación.
A piscina permanece pechada ao público e fontes municipais indicaron que permanecerá así os dous próximos días a fin de efectuar os correspondentes traballos de limpeza e mantemento.