O corpo sen vida dunha octoxenaria foi atopado este luns nunha zona de rochas próxima a un regato en Ferrol, no lugar de San Felipe. Foi un familiar da muller quen alertou o 112 Galicia de que a encontrara sobre as 13.45 horas.
Atendendo á información divulgada polo 112, recibida a alerta, interviñeron os Bombeiros de Ferrol, a Policía e os servizos sanitarios, que só puideron confirmar o falecemento da muller.
