A Policía Autonómica tramitou desde o pasado 25 de outubro 62 denuncias por mobilidade non permitida, 17 por incumprimento da limitación de mobilidade en horario nocturno e 52 por reunións entre non convivientes cando estas non estaban autorizadas.
Así o revelou este mércores o conselleiro de Sanidade, Julio Garcia Comesaña, durante a roda para dar conta das medidas do comité clínico desta semana, na que precisou que, en total, tramitáronse máis de 4.400 denuncias "por incumprimentos varios" na comunidade.
Entre outras cuestións, o conselleiro resaltou que, no último mes e medio, a autonómica puxo máis de 550 denuncias por non levar máscara, o que evidencia que "unha porcentaxe, aínda que pequeno, dos galegos, non a usan o tempo que deberían". Ante esta situación, volveu a apelar " colaboración de todos".