O Sergas notificou seis falecidos máis por coronavirus en Galicia nos últimos catro días, entre o 20 de xaneiro e o 23. Con estes decesos, a Comunidade galega alcanza as 4.055 mortes vinculadas < strong>pandemia do SARS-Cov-2. Mentres, o número de positivos rexistrado descendeu outro centenar de enfermos.
Segundo a información facilitada pola Consellería de Sanidade, o día 20 de xaneiro notificouse a morte dun home de 77 anos, na área sanitaria de Pontevedra e O Salnés. Mentres, o 21 de xaneiro, faleceu unha muller de 99 anos, na área sanitaria de A Coruña e Cee. O 22 de xaneiro, morreu unha muller de 86 anos, na área sanitaria de Ourense, Verín e O Barco; e un home de 89 anos, na área sanitaria de Ferrol.
Finalmente, o Sergas notificou –con datos actualizados ata as 18,00 horas deste luns– o falecemento dun home de 92 anos na área sanitaria de Vigo e o doutro, de 54 anos, na área sanitaria da Coruña e Cee. Todos os pacientes, segundo a Consellería de Sanidade, tiñan patoloxías previas.
Baixan casos activos
Mentres tanto, a Dirección Xeral de Saúde Pública da Consellería
Deles, 152 pertencen á área da Coruña (-43); 107, á de Lugo (-11); 86 (-7), á de Ourense; 82 (-4), á de Pontevedra; 147, á área de Vigo (-10); 139 (-7), á área de Santiago; e 72 (-18), á área de Ferrol.
Do total, dez están en UCI, un máis que na xornada deste luns, e 129 en unidades de hospitalización a domicilio, é dicir, 38 menos que na xornada anterior.
