O Servizo Galego de Saúde (Sergas) iniciará este xoves na área sanitaria de Ourense a administración da segunda dose ás persoas menores de 60 anos que recibiron unha primeira con AstraZeneca e que, en un 87% optaron por repetir coa do mesmo laboratorio.
Así o explicou o presidente da Xunta, Alberto Núñez Feijóo, na rolda de prensa tras o Consello do Goberno galego, na que puntualizou que se vai a aplicar a mesma vacúa a estas persoas "de acordo coa súa propia decisión" e avanzou que "hai moitas posibilidades" de ter as doses suficientes de AstraZeneca para todos, incluídos os maiores de 60 anos.
VER MÁS Galicia avanza na desescalada e amplía as reunións a seis persoas en interiores e dez no exterior
En todo caso, volveu a reclamar ao Goberno que diga "con exactitude" de cantas doses vai dispor Galicia, aínda que segundo os cálculos da Xunta serán unhas 90.000 as que terá nas semanas seguintes, entre as 14.000 que ten "na neveira", outras 14.000 a semana que vén e 60.000 nas seguintes. Deste xeito, está garantida a administración para todos os menores de 60 anos pendentes dunha segunda dose, aínda que serán necesarias un total de 310.000 se tamén se contemplan os maiores desta idade.
Aos maiores de 60 anos correspóndelles a segunda dose no mes de xullo polo que, segundo Núñez Feijóo, en xuño poderíanse recibir "as doses suficientes para garantir esta subministración", aínda que recriminou que non ten ningunha comunicación por escrito por parte do Goberno, só oral ou por teléfono, e manifestou a "preocupación" do Executivo galego neste sentido.
