martes. 07.12.2021 |
El tiempo
martes. 07.12.2021
El tiempo

Galicia, distinguida como a comunidade "coa actividade sanitaria máis innovadora"

Personal medico del Hula, en una intervención. SEBAS SENANDE
Personal medico del Hula, en una intervención. SEBAS SENANDE
Sanidade informa de que xa se emitiron máis de dous millóns de certificados covid 

A revista especializada no sector sanitario New Medical Economics distinguiu a Galicia como a comunidade coa actividade sanitaria "máis innovadora" grazas aos votos dos lectores e do Consello Editorial. 

Segundo informou a Consellería de Sanidade nun comunicado, a revista sinala que Galicia destacou este ano no uso das tecnoloxías da información aplicadas a todo o proceso de vixilancia, vacinación e atención sanitaria na covid, na implantación de procesos de teleasistencia e "abrindo novas canles de atención sanitaria á cidadanía a través da app SergasMobil". 

A inclusión da cirurxía avanzada robótica nas sete áreas sanitarias supuxo tamén un "salto cualitativo". Ademais, o Sergas "foi o primeiro servizo público sanitario de España en pór a disposición dos pacientes a tecnoloxía HIFU para o tratamento de tumores xerados por diferentes patoloxías, como no parkinson".

CERTIFICADOS COVID EMITIDOS. Por outra banda, o departamento autonómico informou de que os certificados covid emitidos xa superan os dous millóns, concretamente, 2.075.373. Deles, 1.998.894 foron certificados de vacinación, 47.244 de resultado de proba diagnóstica e outros 29.235 de superar a enfermidade. 

En canto aos autotest vendidos nas oficinas de farmacia, ata o día de hoxe, ditas oficinas rexistraron os resultados das probas de 48.556 persoas, que permitiron localizar a 513 persoas con resultado positivo. 

Respecto do test de antíxenos realizados en diferentes puntos dos distritos sanitarios, o balance final indica que se realizaron tests a un total de 27.816 persoas, o que facilitou a detección de 311 casos positivos.

ACREDITACIÓN CENTROS SANITARIOS. Por outra banda, a Consellería de Sanidade publicou no Portal de Transparencia e Goberno Aberto da Xunta de Galicia, o proxecto de decreto polo que se establece o procedemento para a acreditación de centros sanitarios e créase e regúlase a Comisión de Acreditación de Centros Sanitarios en Galicia. 

Así, fixouse un prazo de 15 días hábiles para a achega de suxestións, que finaliza o 11 de novembro. Tal e como explicaron, poderán acreditarse os centros sanitarios de carácter público ou privado, pertencentes ao sistema de saúde de Galicia. 

No texto do anteproxecto regúlase tamén a comisión autonómica de acreditación de centros sanitarios como un órgano colexiado ao que se lle atribúen funcións de asesoramento e de emisión de informes sobre os procedementos de acreditación. 

A comisión estará presidida polo titular do órgano directivo da Inspección de Servizos Sanitarios e contará con tres vocais de perfil técnico sanitario adscritos á Administración sanitaria galega e dous vogais pertencentes ao centro directivo do Sergas con competencias en materia de asistencia sanitaria. 

Esta comisión proporá os estándares e indicadores de calidade de centros sanitarios, así como a revisión e modificación dos mesmos.

ÁREAS A AVALIAR. As áreas a avaliar no proceso de acreditación son: dirección e organización; xestión e formación do persoal; calidade, xestión emellora continua; dereitos e deberes do paciente; asistencia ao paciente; continuidade da atención; seguridade do paciente; xestión da información e documentación clínica; procesos de soporte á asistencia; e procesos de apoio loxístico e seguridade das instalacións. 

Establécese así un sistema de acreditación baseado no cumprimento dos indicadores, o que supón que os centros poden alcanzar a acreditación en grao básico (cumprimento entre o 55% e o 75% dos indicadores) ou en grao superior (centros que superen o 75%). 

O procedemento iníciase mediante a solicitude presentada pola persona titular do centro ou por quen a represente legalmente, presentándose a solicitude por medios electrónicos. 

Quedan excluídos, segundo matizaron, do ámbito de aplicación deste decreto "por ter normativa específica en materia de acreditación": as oficinas de farmacia, boticas anexas e establecementos dedicados á distribución, elaboración, importación ou fabricación de medicamentos e produtos sanitarios: os servizos ou unidades técnicas de protección radiológica; as consultas médicas; os servizos de prevención de riscos laborais; os centros sanitarios dedicados á práctica de actividades de extracción e transplante de órganos e tecidos; e os centros de interrupción voluntaria do embarazo. 

Galicia, distinguida como a comunidade "coa actividade sanitaria...
comentarios