Sanidade iniciou este luns a campaña de inmunización pediátrica contra o virus respiratorio sincitial (VRS), que supón entre o 80 e o 85% dos ingresos en bebés, segundo datos achegados con motivo das primeiras vacinacións en recentemente nacidos tras a chegada de 15.500 dose á comunidade autónoma.
Así o explicou o conselleiro de Sanidade, Julio García Comesaña, nunha visita ao Hospital Materno Infantil da Coruña na que estivo acompañado pola directora xeral de Saúde Pública, Carmen Durán, e o xerente da área sanitaria da Coruña e Cee, Luís Verde, xunto a outros profesionais sanitarios, entre eles o xefe da Unidade de Pediatría do Materno, Jerónimo Pardo.
Por iso, comezarase a vacinar, entre as 24 e 48 horas desde o seu nacemento, aos nenos recentemente nados e chamarase tamén aos que o fixeron nos últimos seis meses para que acudan a vacinarse ao hospital. No caso de que a algúns pais non lles chegue a comunicación, "haberá a autocita", precisou.
En concreto, de acordo coa información achegada por Sanidade, a campaña comezará cos nenos e nenas que nazan en hospitais galegos, ademais de citar aos nenos prematuros, nacidos desde o 1 de outubro, así como os que teñan patoloxía de alto risco, menores de 24 meses. Todo para abordar a prevención dunha infección que causa ata un milleiro de hospitalizacións en Galicia.
Respecto da vacinación contra o VRS –un virus estacional frecuente e moi contaxioso que infecta a lactantes nos dous primeiros anos de vida e que é unha das primeiras causas de bronquiolitis e pneumonía–, o titular de Sanidade asegurou que se suma a outros pasos dados xa como a vacinación contra o papiloma humano nos nenos ou a campaña do meningococo.
Comesaña situou estas vacinacións no obxectivo de traballar na prevención e, neste sentido, agradeceu a colaboración dos colexios de médicos galegos por apoiar "" estes procesos con iniciativas como a información que facilitan.
Mentres, sobre a vacinación contra o VRS, o responsable da Unidade de Pediatría do Materno recalcou que os efectos secundarios son "moi poucos" máis aló de casos como algunha pequena inflamación local ou décimas de febre, "pero nunha porcentaxe moi pequena".
Vacinas contra a gripe e covid en residencias
Por outra banda, neste acto, o conselleiro de Sanidade recordou que este luns empeza tamén a vacinación contra a gripe e o covid en maiores que están
Será, inicialmente, con 30.000 galegos aos que logo se irán sumando a poboación maior de 80 anos, con vacinación en centros de saúde, para logo seguir coa franxa de 60 a 79 anos. En canto a esta vacinación, incidiu en que tamén estará dispoñible para "inmunodeprimidos", ademais de acudirse ao domicilio dos que non se poidan mover.
