O Goberno e as comunidades acordaron a repartición de 200 prazas de acollida para menores non acompañados que xa estaban en centros de protección de Ceuta para liberar espazo e acoller aos chegados esta semana, de modo que as distintas autonomías acollerían entre seis e vinte nenos, como é o caso Galicia que acollerá unha vintena.
A repartición exposta baséase en criterios que distribúen o 50 % das prazas polo impacto en acollida dos menores migrantes non acompañados de cada comunidade, outro 25 % en función da poboación e outro 25 % por situación económica, que á súa vez se repartiría nun 12,5 % por renda per cápita e o outro 12,5 % segundo a taxa de paro.
As cidades de Ceuta e Melilla e Canarias, que ten baixo a súa tutela a 2.700 menores, quedarían excluídas desta repartición.
Segundo a proposta do Ministerio, á que tivo acceso Efe, e que xa aceptaron varias comunidades, a repartición final será o seguinte:
| COMUNIDADE AUTÓNOMA | CRITERIO | MENORES |
| Andalucía | 6,4 % | 13 |
| Aragón | 4,3 % | 9 |
| Asturias | 5,6 % | 11 |
| Baleares | 5,6 % | 11 |
| Cantabria | 3,3 % | 7 |
| Castela e León | 9,1 % | 18 |
| Castela-A Mancha | 6,9 % | 14 |
| Cataluña | 7,3 % | 15 |
| Comunitat Valenciana | 6,3 % | 13 |
| Estremadura | 5,7 % | 11 |
| GALICIA | 10,2 % | 20 |
| Madrid | 9,8 % | 20 |
| Murcia | 3,5 % | 7 |
| Navarra | 3,1 % | 6 |
| Euskadi | 4,2 % | 8 |
| A Rioxa | 8,6 % | 17 |
