Os galegos coa pauta vacinal completa contra a covid-19 superan os 440.000 tras administrarse o 95,28% das 1.477.645 doses recibidas na comunidade. Segundo datos actualizados este sábado pola Consellería de Sanidade, un total de 442.270 persoas completaron a pauta de vacinación na comunidade, o que supón o 18,7% da poboación a recibir as doses e 2.887 máis que o día anterior. En total, foron administradas 1.379.282 dose, que implican 44.730 máis que as postas ata a xornada anterior.
Con respecto aos grupos de poboación vacinados, por condición de vulnerabilidade recibiron polo menos unha dose 12.228 persoas con condición de alto risco -50 máis que o día anterior- e 480 teñen a pauta completa -24 máis-. Pola súa banda, entre as persoas dependentes non institucionalizadas recibiron polo menos unha dose 16.463 (+45) e completaron a pauta un total de 12.838 (+474). En canto ás institucionalizadas -que se empezaron a vacinar o 27 de decembro do ano pasado-, 23.502 recibiron a primeira picada -catro máis- e 22.839 contan coa pauta completa -20 máis-.
PROBABILIDADE DE EXPOSICIÓN. Así mesmo, os vacinados na Comunidade galega por probabilidade de exposición que recibiron polo menos unha dose alcanzan os 73.969 profesionais do ámbito sanitario (+84) e 56.332 teñen a pauta completa (+22). A eles engádense 29.228 traballadores do ámbito socio-sanitario cunha dose (+117) e 19.354 coa pauta completa (+33). Pola súa banda, 60.327 traballadores esenciais recibiron unha dose da vacina (+6) e 2.311 completaron o proceso (sen cambios).
VACINADOS SEGUNDO A IDADE. En total, segundo a idade, recibiron polo menos unha dose 688.141 persoas, que implican 42.162 máis que a xornada anterior, e contan coa pauta completa 328.111, que supoñen 2.314 máis. En concreto, por grupos de idade foron vacinados 128.740 maiores de 85 anos (+77); 94.664 de 80 a 84 anos (+27); 130.392 de 75 a 79 anos (+111); 143.689 de 70 a 74 anos (+375); 98.353 de 65 a 69 anos (+40.793); e 160.012 de 60 a 64 anos (+831).
A estas persoas engádense 42.604 persoas de 55 a 59 anos (+48); 38.291 de 50 a 54 anos (+37); 29.260 de 45 a 49 anos (+37); 26.393 de 40 a 44 anos (+30); 19.100 de 35 a 39 anos (+31); 15.370 de 30 a 34 anos (+27); 12.471 de 25 a 29 anos (+23); 6.081 de 20 a 24 anos (+14) e 611 de 15 a 19 anos (+7). Xa que logo, foron vacinadas 946.032 persoas con polo menos cunha dose no conxunto da Comunidade galega, que representan un 40% da poboación susceptible de recibir a vacina.
