Un veciño da localidade pontevedresa de Moaña entregou á Policía Local de Vigo unha carteira que atopou sobre o teito dun turismo estacionado nun aparcadoiro, na que había máis de 5.000 euros.
Segundo informou a Policía Local, o pasado sábado un home de 36 anos atopou unha carteira de coiro sobre o teito dun turismo e, tras comprobar que contiña 5.520 euros, entregouna na Xefatura da Policía Local.
A partir das pescudas iniciadas, este martes foi localizado o propietario da carteira, un mozo de 31 anos, que este mesmo mércores acudiu a dependencias policiais para recuperala.