A vicepresidenta da Fundación Amancio Ortega, Flora Pérez, entregou este luns ao alcalde de Vigo, Abel Caballero, as chaves dunha escola infantil construída pola entidade na parroquia de Bembrive.
A escola, en cuxa construción a fundación investiu 3,5 millóns de euros, ten capacidade para acoller 82 nenos. En concreto, dispón de 16 prazas para os de 0 a 1 anos, 26 para os de 1 a 2 anos e 40 para os de 2 a 3 anos.
Abel Caballero asegurou que a escola infantil "é extraordinaria" e súmase aos outros oito centros de titularidade municipal. Tamén recalcou que se levantou sobre unha parcela cedida polo Concello de Vigo. En cuestión de días abrirá o período de matriculación no novo centro de Bembrive.
Destacou, ademais, que o Concello de Vigo dedica máis de dous millóns de euros a subvencionar aproximadamente o 80% o custo das matrículas, algo do que asegurou que están "moi satisfeitos" porque axuda os nenos na súa formación e "é un factor importantísimo de conciliación" para os pais.
