A plataforma Xustiza para Diego Bello, que reclama responsabilidades pola morte do coruñés de 32 anos abatido en xaneiro pola policía filipina, difundiu un vídeo nas súas redes sociais no que representantes políticos e rostros coñecidos, como os actores Martiño Rivas ou Iván Massagué, súmanse á causa.
❤️Cuando se habla de INJUSTICIA las personas se unen para apoyar causas cómo la nuestra ❤️ #XUSTIZAPARADIEGO#JUSTICEFORDIEGO#JUSTICEFORDIEGO
— Xustiza para Diego Bello (@XustizaDiego) July 2, 2020
Gracias a todos los que participasteis y ayudasteis a que este vídeo fuera posible‼️
TODOS JUNTOS MÁS FUERTES pic.twitter.com/qrrtvtssbn
"Pasou medio ano do asasinato de Diego Bello. A cidade da Coruña non descansa", subliñan no vídeo algunhas caras coñecidas, xunto a familiares e amigos do falecido como o seu irmán Bruno Bello. Nesta iniciativa, participan tamén representantes de diferentes partidos políticos como a alcaldesa da Coruña, Inés Rey; o portavoz municipal do BNG, Francisco Jorquera; o edil do PP Roberto Rodríguez; o candidato á presidencia da Xunta de Galicia en Común-Anova Mareas, Antón Gómez-Reino, ou o exalcalde da Coruña Xulio Ferreiro.
"Somos moitos e moitas os que seguimos coa súa familia e amigos. Somos unha gran comunidade de todas partes do mundo esixindo xustiza para Diego", salientan aqueles que consideran falsa a versión da policía filipina que alegaba que o coruñés era un traficante de drogas.
Así, piden á cidadanía que participe na manifestación deste venres na Coruña ás 20.00 horas, desde o Obelisco ata a Delegación do Goberno, baixo a lema "Filipinas mata, o Goberno de España cala".
