O fiscal xefe da Audiencia Provincial de Pontevedra, Juan Carlos Aladro, non recorrerá o arquivo provisional da causa pola desaparición de Sonia Iglesias, decisión que a titular do xulgado de instrución número 3 adoptou hai uns días.
Isto non significa que a investigación se paralice, nin moito menos. De feito, o equipo especializado da Policía Nacional segue traballando a conciencia no caso. En concreto, e segundo informou este xornal hai uns días, están pendentes de ser analizados xeneticamente uns restos de cortiza cerebral no último rexistro na leira da rúa San Amaro número 33, propiedade da familia de Julio Araújo, aínda que se descoñece se son de orixe animal ou vexetal.
O caso podería reabrirse sempre que esta análise ou outras das dilixencias que se realicen arroxen novas pistas para saber que ocorreu aquel 18 de agosto de 2010.
