A Corporación Hijos de Rivera non puido celebrar este ano a cea de Nadal que reúne a 1.200 empregados e xubilados da compañía, pero no seu lugar decidiu converter este evento nun acto de apoio á hostalería e así axudar a este sector, minguado pola pandemia da COVID-19.
Así, a cea do Nadal, que se celebraba na Coruña, deu paso a unha iniciativa comunicada polo conselleiro delegado da compañía, Ignacio Rivera, que consiste na entrega aos seus traballadores dun Cheque Gourmet -valorado en 60 euros- para gastar en hostalería. Iso, sen dúbida axudará a unha gran cantidade de locais de España.
"A hostalería, o gran motor da nosa actividade, foi un dos sectores máis castigados pola pandemia e investimos moitos esforzos nos últimos meses para que sentisen o noso apoio, a nosa proximidade nestes momentos tan complicados", subliñou Rivera.