Jueves. 20.09.2018 |
El tiempo
Jueves. 20.09.2018
El tiempo

Ferido un bombeiro mentres extinguía un incendio nun edificio okupado na Coruña

Incendio no edificio da zona de Orzán. TVG
Incendio no edificio da zona de Orzán. TVG

O lume desatouse nun edificio da zona do Orzán

Un bombeiro lesionouse este luns de noite mentres realizaba tarefas de prevención para que o lume declarado nun edificio da Coruña non se reavivase. O operario tivo que ser atendido polos servizos sanitarios de urxencia. No edificio, abandonado, instalouse un grupo de okupas.

Os feitos, informa Urxencias, ocorreron ao redor das 21.30 horas da noite pasada e neses momentos varios particulares alertaron ao 112 Galicia dun incendio nun edificio de catro plantas, situado na rúa Socorro, na zona do Orzán, indicando que había moito fume e que os veciños estaban a se refuxiar na cuarta planta.

Desde o 112 Galicia pasouse aviso aos Bombeiros da cidade e á Policía Local, ademais, púxose en alerta ao 061-Urxencias Sanitarias por se era necesaria a súa intervención.

Unha vez finalizadas as tarefas de extinción, os Bombeiros comunicaron que ardeu parte da primeira, da segunda e da terceira planta do edificio, pero, afortunadamente, ningún dos residentes precisou asistencia sanitaria. Polo momento, descoñécense as causas que orixinaron o lume. 

Ferido un bombeiro mentres extinguía un incendio nun edificio...