Os servizos de urxencia rescataron na tarde deste domingo a unha muller que caeu nunha zona rochosa na praia da Lanzada.
Segundo puido saber o 112 Galicia, a muller, que resultou ferida na cabeza por mor da caída, foi evacuada por terra polos membros do Servizo Municipal de Protección Civil ata unha ambulancia desprazada.
Os feitos sucederon preto das dúas e cuarto. Nese momento, unha persoa particular contactou co 112 Galicia para dar conta da situación da muller e, nada máis recibir o aviso, desde o CIAE 112 Galicia alertouse a Urxencias Sanitarias de Galicia-061, á Garda Civil, ao Servizo Municipal de Protección Civil, á Policía Local, aos Bombeiros de Ribadumia, ao GES de Sanxenxo e tamén a Salvamento Marítimo e ao Servizo de Gardacostas de Galicia.
