Alu Ibérica reuniuse telemáticamente coa Xunta de Galicia e o Principado de Asturias para dialogar sobre o estado das plantas de Avilés e A Coruña e do proxecto industrial.
O encontro celebrouse á marxe á mesa industrial oficial, e non asistiron os representantes dos comités de empresa.
"Os responsables de Parter e Grupo Industrial Risco aclararon ás autoridades a relación contractual da compravenda de ambas as plantas e volveron a reiterar o seu compromiso de manter os acordos asinados con Alcoa", sinalan nun comunicado.
A nova directiva presentou as liñas xerais do plan industrial cos avances realizados nos últimos dous meses. "A compañía considera esta reunión moi produtiva e espera ser invitada á mesa industrial oficial para seguir dialogando polo futuro da compañía e os traballadores, e que todos estean ao tanto do desenvolvemento do plan".