Feijóo reivindica polo menos o 8,2% de vacinas para os galegos maiores de 80 anos

Asegura que, con doses suficientes, o Sergas podería acabar a campaña de vacinación nun período de entre "oito e dez semanas" 
 
Feijóo, en el pleno. PEPE FERRÍN
photo_camera Feijóo, no pleno. PEPE FERRÍN

O presidente da Xunta de Galicia, Alberto Núñez Feijóo, ratificou que o venres abordará co seu homólogo estatal, Pedro Sánchez, a necesidade de dispor dun calendario de vacinación definido "de principio a fin", coa proposta de que a repartición garanta que as vacinas cheguen de forma homoxénea aos distintos grupos que se fixen. 

"A subministración, en consecuencia, deberá facerse en porcentaxe equivalente a esa poboación diana", sentenciou, e puxo como exemplo que, se o próximo grupo prioritario van ser os maiores de 80 anos e Galicia ten o 8,2% da poboación correspondente a este grupo de idade, "a comunidade ten que recibir o 8,2% das vacinas". 

Por outra banda, o mandatario autonómico reivindicou a xestión que a Xunta está a facer das vacinas, nun contexto marcado, por exemplo, pola polémica pola falta de xiringas que levou a algunhas comunidades a non poder aproveitar a sexta dose de cada viaria de Pfizer.

"EN OITO O DEZ SEMANAS". Neste punto, insistiu en que Galicia está lista para administrar as vacinas coa mesma velocidade coa que se fornezan. "Temos capacidade para pór 100.000 vacinas cada día", recalcou. 

Respecto diso e, tras subliñar que a sociedade galega é "unha sociedade madura" á que non vai trasladar "falsas expectativas", incidiu en que o Sergas podería vacinar ao cento por cento da poboación "nun período de entre oito e dez semanas" se contase coas doses suficientes para poder facelo.

Comentarios