O presidente da Xunta e líder do PPdeG, Alberto Núñez Feijóo, asegurou este xoves que o aspecto que máis lle pesa" para tomar unha decisión sobre o seu futuro político é a "responsabilidade" adquirida con todos os galegos como presidente da Comunidade.
"O que máis me pesa para tomar unha decisión é ser presidente da Xunta", sinalou cuestionado sobre se optará a relevar a Mariano Rajoy, cuestión á que non contestou e incidiu en que revelará a súa postura entre o 18 e o 20 de xuño, cando se teñen que formalizar as candidaturas.
"O que máis estou a valorar é a miña responsabilidade de presidente da Xunta", engadiu sobre unha cuestión que ten en conta por encima de calquera "outra cuestión política" ou "ambición política".
Ademais reiterou que avanzará a súa determinación nun acto de partido e como líder do PP galego, non como xefe do Executivo autonómico.
"Eses son os prazos, queda moi pouco tempo", remarcou para asegurar que, de feito, a súa axenda institucional segue "plenamente operativa" ao "110 por cento" como de forma habitual antes de que se convocase o congreso extraordinario do 20 e 21 de xullo para elixir á substitución de Mariano Rajoy.
Neste sentido, remarcou que non haberá ningunha diminución de intensidade da súa axenda como presidente.
"O único que son é presidente, se algún día tivese outra responsabilidade contestaría" respecto diso diso.
En todo caso, non desvelou ningún aspecto sobre a determinación que tomará, "para algúns pode ser sorpresa unha cousa e para outros, non".
Na rolda de prensa posterior á reunión semanal do seu Goberno, insistiu así en que "queda moi pouco tempo para anunciar" se se postulará a liderar o PP nacional.
