O xefe do parque de Bombeiros de Arzúa, Bruno García, faleceu este mércores por causas naturais cando regresaba de realizar tarefas de desinfección nas proximidades da prisión de Teixeiro no marco dos traballos de prevención contra o coronavirus.
A Deputación da Coruña lamenta, nun comunicado, a morte deste bombeiro, pertencente ao Consorcio Provincial contra Incendios e Salvamento da Coruña, que estivo en activo 17 anos e foi un dos impulsores da Asociación Profesional de Técnicos Bombeiros (APTB) de Galicia.
Compañeiros bombeiros e doutros corpos expresaron a través das redes as súas mostras de pesar polo falecemento de García.
O noso cariño e pésame ao persoal, familia e amigxs do noso compañeiro do parque de Bombeiros #Arzúa falecido hoxe.
— BombeirosCoruña (@bombeiroscoruna) April 29, 2020
Que a terra che sexa leve.
DEP. pic.twitter.com/eVrBVycUCT
Tamén o presidente da Deputación, Valentín González Formoso, mostrou, en nome de toda a corporación provincial, as súas condolencias e enviou unha mensaxe de ánimo e forza á súa familia, amigos e compañeiros do consorcio. "Era un home moi querido entre os bombeiros", subliñou, e agradeceu o "compromiso e esforzo" que demostrou ao longo da súa carreira.
Tamén a Axencia Galega de Emerxencias (Axega) transmitiu, a través das redes sociais, as súas "máis profundas condolencias" aos familiares e compañeiros de Bruno García.
< href="https://twitter.com/hashtag/AXEGA?src=hash&ref_src=twsrc%5Etfw">#AXEGA transmitir as súas máis profundas condolencias aos familiares e compañeiros do sarxento do Parque de Bombeiros de Arzúa, falecido por causas naturais mentres se atopaba de servizo en Curtis. En activo durante 17 anos, foi uns dous impulsores dá \
AptbGalicia pic.twitter.com/yOFGHczNC8<> — 112Galicia (\112Galicia) April 29, 2020<>