Un incendio na localidade ourensá de Sandiás foi extinguido esta tarde logo de calcinar máis de 13 hectáreas, case todas de monte raso.
O lume foi declarado extinguido ás 19:15 horas deste luns, que peramanecía activo desde as 15:00 horas do mesmo día, baixo a perigosa influencia dun forte vento que permitiu que o incendio se expandise con maior celeridade.
As chamas comezaron na ladeira do monte onde se sitúa a ermida de San Bieito dá Uceria, na Parroquia de Caouso de Limia.
O lume achegouse perigosamente ás casas despois de que as chamas saltaran por riba da única estrada que accede ao pobo así como á parcela dun veciño.
Para a súa extinción empregáronse 3 axentes forestais, 7 brigadas e 5 helicópteros de extinción, un de coordinación e motobombas.
Tres hectáreas na Mezquita
Dous focos rexistrados nesta localidade ourensá acabaron por arrasar outras tres hectáreas de monte raso. As chamas xa foron sufocadas.
Extinguido un incendio en Sandiás tras arrasar máis de 13 hectáreas
Outro lume con dous focos tamén foi sufocado na Mezquita
