Extinguido o incendio de Cualedro tras arrasar 3.180 hectáreas de superficie

Medio Rural deu o lume por apagado ás 11.20 horas deste xoves

A Consellería de Medio Rural deu por extinguido o incendio forestal iniciado ao mediodía do pasado domingo no municipio ourensán de Cualedro, que queimou 3.180 hectáreas, delas 748 arboradas.

O departamento da Xunta informou este xoves nun comunicado de que o lume se considerou extinguido ás 11.20 horas.

Na loita contra este lume participaron tres técnicos, 49 axentes forestais e as dotacións de 108 brigadas, 47 motobombas, oito pas, 11 helicópteros e nove avións, así como efectivos da Unidade Militar de Emerxencias (UME).

Comentarios