O incendio forestal de Carballeda de Valdeorras (Ourense) quedou extinguido tras queimar 111 hectáreas de monte raso, segundo informa a Consellería de Medio Rural.
O lume iniciouse ás 13:20 horas deste xoves na parroquia de Candeda e nos traballos de extinción participaron un técnico, 10 axentes, 15 brigadas, nove motobombas, dúas pas e tres helicópteros.
A consellería recorda que está a disposición da cidadanía o número de teléfono gratuíto 085, ao que se debe chamar en caso de detectar algún incendio.
