Os dous incendios que se iniciaron a tarde do mércores no parque natural do Invernadoiro, en Vilariño de Conso (Ourense), atópanse "estabilizados", tras afectar xa a 110 hectáreas segundo a información facilitada pola Consellería do Medio Rural.
Ambos os lumes comezaron ás 16.10 horas do mércores, na parroquia de San Mamede de Hedrada, separados por apenas 500 metros, e segundo as últimas estimacións, afectan a 14 e a 96 hectáreas, nun lugar de difícil acceso para medios terrestres.
Nas tarefas de extinción traballaron desde o mércores 4 técnicos, 37 axentes, 83 brigadas, 37 motobombas, 5 pas, 14 helicópteros e 7 avións. A Consellería do Medio Rural recorda que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.