martes. 20.10.2020 |
El tiempo
martes. 20.10.2020
El tiempo

Estabilizado o incendio forestal de Toén tras queimar 15 hectáreas

Detalle de varias árbores calcinadas, este luns, tras estabilizarse o incendio forestal declarado en Monterrei. EFE
Detalle de varias árbores calcinadas, este luns, tras estabilizarse o incendio forestal declarado en Monterrei. EFE
O foco de Monterrei permanece estabilizado tras queimar 720 hectáreas 

A Consellería do Medio Rural deu por estabilizado o incendio forestal iniciado este luns no municipio ourensán de Toén e que calcinou unhas 15 hectáreas de terreo. 

Segundo a información da Xunta, o lume, que se iniciou sobre as 18.00 horas na parroquia de Santa María de Toén, quedou estabilizado pouco antes das 22.20 horas. Segundo as primeiras estimacións, afectou a unha superficie de 15 hectáreas. 

Nos labores de extinción deste lume tomaron parte seis avións, catro helicópteros, tres axentes, sete brigadas, cinco motobombas e unha pa. 

Por outra banda, Medio Rural informou de que o incendio forestal de Monterrei, que se iniciou o venres na parroquia de Flariz, permanece estabilizado desde as 15.20 horas do domingo e, polo momento, non rexistra cambios. As últimas estimacións do Goberno galego falan de 720 hectáreas afectadas, 450 de superficie forestal (400 de monte raso e 50 de monte arboledo) e 270 agrícolas. 

Para colaborar nos labores de extinción mobilizáronse ata o momento nove helicópteros, 12 avións, 28 axentes, 70 brigadas, 32 motobombas, dúas pas e catro técnicos, así como efectivos da Unidade Militar de Urxencias (UME). 

Estabilizado o incendio forestal de Toén tras queimar 15 hectáreas
comentarios