Un veciño de Sigüeiro, no municipio coruñés de Oroso, atopou este mediodía o cadáver dun home de 48 anos flotando no río da localidade, á altura da ponte romana.
Aínda que o viandante pensou nun primeiro momento que se trataba dun chuvasqueiro, deu aviso á Garda Civil, e os axentes comprobaron que se trataba do corpo sen vida dun home que vivía na rúa do Portiño, en Sigüeiro.
Ás 15.30 horas o xuíz que acudiu ao lugar ordenou o levantamento do cadáver. Polo momento descoñécense máis datos do suceso, que investiga a Garda Civil.
