O Concello da Coruña anunciou este luns, seguindo o consello da asesoría xurídica municipal, non presentar un recurso contra a decisión xudicial de devolver o título de 'fillo predilecto' desa cidade a José Millán Astray, fundador da Lexión.
O título foi retirado polo anterior goberno municipal da coalición PSdeG-BNG, pero o gabinete do novo alcalde, Carlos Negreira, optou por non continuar esa vía xudicial. Así, nun comunicado, o Concello anunciou de decisión de non "recorrer a sentenza da maxistrada do Xulgado do contencioso -administrativo número 3 da Coruña", que ordena devolver o título.
"O Goberno municipal basea a súa decisión no informe da asesoría xurídica, que deixa claro que a argumentación do xuíz é clara e contundente, polo que recomenda non formular un recurso de apelación ao fallo", informou o Concello na nota.
A sentenza obrigaba ao Goberno local a repor a Millán Astray a condición de fillo predilecto da cidade aducindo que se pode aplicar a lei de Memoria Histórica posto que o nomeamento aprobouse nun pleno municipal de agosto de 1922, catorce anos antes da sublevación que provocou a Guerra Civil. O novo Goberno municipal sinalou que "respecta a sentenza da maxistrada e a decisión dos seus avogados unha vez analizaron o fallo con detemento", e engadiu que os asuntos "xa se atopa o suficientemente xudicializado".
Para o Concello, a iniciativa do anterior gabinete de adoptar esta vía xudicial "non ten visos de prosperar, tal e como indica o informe xurídico, xa que considera a sentenza axustada a dereito".
O Concello coruñés non recorrerá á devolución do título de 'fillo predilecto' a Millán Astray
