O alcalde de Ares, Julio Iglesias, confirmou hoxe que se presentará ás primarias para optar á Secretaría Xeral do PSdeG-PSOE da Coruña ao que están citados os militantes da provincia o próximo 30 de novembro.
Iglesias fixo hoxe pública a decisión de presentarse formalmente, unha posibilidade que xa viña comentando nos últimos días e que o enfrontará con outros catro candidatos polas rendas do partido na Coruña.
Manifestou que a súa intención pasa por construír unha agrupación provincial "ao servizo da militancia e as agrupacións locais tan faltas da axuda das estruturas do partido".
O actual rexedor aresano, que goberna desde 2007, compareceu hoxe ante os medios desde a súa localidade xunto a boa parte da militancia local e destacou que as primarias permiten, por primeira vez, que sexan os afiliados ao PSOE coruñés os que elixan directamente ao seu secretario.
Aplaudiu a pluralidade de candidaturas, un total de cinco ata o momento, apuntou, porque "evita a polaridad que se produciría se houbese só dúas".
Ademais de Iglesias, aspiran á secretaria provincial o alcalde de Oroso, Manuel Mirás, e o portavoz en Teo, Jano Leis.