Dúas persoas foron detidas e permanecen á espera de pasar a disposición xudicial pola súa posible implicación na morte de violenta dun home de 39 anos, este mércores, en Ares. A vítima, Enrique C.B., residía xunto á moza -que podería ser a súa noiva ou ex noiva- e ao home arrestados, e, segundo apuntan as primeiras hipóteses, podería tratarse dun axuste de contas relacionado coas drogas.
En principio, os detidos non pasarán este xoves a disposición xudicial, polo que permanecen no calabozo. O presunto crime cometeuse este mércores ao mediodía no municipio coruñés, concretamente, no segundo piso do número 19 da rúa San José. O falecido foi acoitelado.
A vítima non era natural de Ares, pero vivía no edificio desde facía algún tempo e vinculábano con ambientes marxinais. O xuíz ordenou á primeira hora da tarde o levantamento do cadáver, que foi trasladado ao hospital Arquitecto Marcide de Ferrol, onde se lle practicou a autopsia. O xulgado de Instrución número un da cidade, en funcións de garda, ordenou o segredo de sumario sobre a investigación.
