jueves. 05.08.2021 |
El tiempo
jueves. 05.08.2021
El tiempo

Detido en Vigo un sesaxenario que fuxía tras intentar atracar unha farmacia

Generated by  IJG JPEG Library
Comisaría de Vigo. ARQUIVO
Utilizara unha navalla para ameazar á dependenta

Axentes da Policía Nacional da Comisaría de Vigo detiveron a un home de 61 anos de idade, sen domicilio coñecido, como presunto autor dun intento de atraco nunha farmacia.

Segundo informaron fontes policiais, os feitos tiveron lugar a tarde do maeets, cando o 091 recibiu un aviso por un intento de atraco nunha farmacia. Unha patrulla que se atopaba cerca dirixiuse á zona e, polo camiño, foi requirida por un home que lles facía acenos.

Esta persoa indicou aos axentes que estaba a seguir a un individuo que acababa de intentar cometer un atraco e fixo indicacións aos policías para que puidesen interceptalo. Finalmente, os funcionarios localizaron ao sospeitoso, e ao cachealo descubriron que levaba unha navalla oculta entre as súas roupas.

Segundo relatou unha empregada da botica, estaba a atender a zona de público cando un home se lle achegou ameazándoa cunha navalla, mentres lle esixía que lle entregase todo o diñeiro. ela tratou de explicarlle que non podía abrir a caixa polo sistema que ten.

Nese momento, un compañeiro de traballo que se atopaba no almacén achegouse e o atracador fuxiu do lugar á carreira, perseguido por ese empregado.

O sospeitoso foi detido e trasladado a dependencias policiais, onde se comprobou que lle constan 19 antecedentes, varios deles por roubo con intimidación. O arrestado e as dilixencias practicadas foron postos a disposición do xulgado de garda.

Detido en Vigo un sesaxenario que fuxía tras intentar atracar unha...
comentarios