A Área de Investigación da Garda Civil do Posto Principal de Arteixo detivo un home veciño deste municipio como presunto autor dun delito contra a saúde pública por traficar con sustancias estupefacientes na terraza dun local de hostalería.
Segundo informou o Instituto Armado, as pescudas comezaron por mor da comunicación telefónica recibida en dependencias oficiais sobre que había unha persoa que supostamente traficaba con sustancias estupefacientes na terraza dun establecemento de hostalería desa localidade.
A Garda Civil desprazouse ata o lugar indicado e observou a presenza dun individuo cuxas características físicas e de vestimenta correspondían coas facilitadas polo alertante.
Unha localizada esta persoa os gardas civís actuantes procederon ao rexistro superficial da mesma e das súas pertenzas. Así, acharon oculto entre a súa vestimenta un anaco dunha sustancia resinosa de cor marrón, supostamente haxix, o cal arroxou un valor de 35,55 gramos tras a súa pesada.
Por iso, a Garda Civil procedeu á detención deste home como presunto autor dun delito contra a saúde pública e á incautación da sustancia atopada.
O detido, xunto coas actuacións realizadas e os efectos incautados, foi posto a disposición do xulgado de Instrución de garda da Coruña.
