O porteiro do Zaragoza Álvaro Ratón, natural do Carballiño, foi acusado dunha suposta agresión sexual na localidade ourensá. Os feitos ocorreron o pasado 23 de xuño, segundo relatou a vítima na súa denuncia.
A muller explica que estaba na zona de copas do Carballiño a noite de San Xoán, cando o xogador intentou tocala e bicala de madrugada.
Entón, segundo o relato da vítima, ela resistiuse e o porteiro empuxouna contra unhas escaleiras. A muller empezou a berrar e varias persoas foron axudarlle, momento que aproveitou o porteiro para escapar.
Ratón foi detido o pasado 2 de xullo e foi posto en liberdade con cargos despois de declarar.
O Zaragoza emitiu este mércores pola mañá un comunicado no que pide "respecto" ao xogador e "á presunción de inocencia".
📯 COMUNICADO | oficial del #RealZaragoza https://t.co/k1F5Af9h61 pic.twitter.com/Ld5TTTNcoy
— Real Zaragoza (@RealZaragoza) 11 de xullo de 2018