A Policía Local de Poio procedeu este sábado á detención dun mozo de 21 anos no municipio como presunto autor dun delito de violencia doméstica familiar contra os seus avós.
Os axentes, alertados por unha chamada do 112, desprazáronse ata o lugar e comprobaron a existencia de lesións e malos tratos habituais por parte do neto cara aos seus avós.
O mozo detido conta con ata cinco antecedentes por feitos similares de violencia doméstica familiar. Incluso contaba cunha orde de afastamento respecto dos seus avós.
Polo momento instruíronse dilixencias e pasou este luns a disposición xudicial.