O CEIP Isidro Parga Pondal de Oleiros conta con 22 casos positivos por covid, sobre todo en educación infantil, polo que confinou tres aulas, informan a Efe fontes do centro escolar. O primeiro positivo foi o dunha profesora o fin de semana, polo que a dirección do centro decidiu confinar a tres clases nas que imparte docencia, aínda que a maior parte dos casos positivos, 17, rexistráronse nunha das aulas. No resto realizáronse PCR que deron negativo excepto noutros dous casos, noutra clase de infantil.
Tamén hai outros dous positivos noutras aulas de primaria, un deles irmán dun dos positivos en infantil. A dirección do centro subliña que se están adoptando todas as medidas de seguridade para previr este tipo de casos, aínda que aconsella tamén aos pais a utilización de máscaras polos máis pequenos. Espérase recuperar a normalidade neste centro despois da ponte da festividade das Letras Galegas.
