Axentes da Policía Nacional de Santiago de Compostela detiveron a tres homes que se dedicaban a adquirir medicamentos psicotrópicos con receitas falsas, tras o que considera desarticulado un grupo dedicado á adquisición deses fármacos con prescricións falsas que usaron en farmacias da capital galega, así como dos municipios coruñeses de Ames e Teo.
Segundo informou a Policía Nacional, as investigacións iniciáronse o pasado mes de outubro por mor da denuncia interposta na Comisaría de Santiago por unha farmacia desta cidade, que detectara a varios mozos que acudían con "receitas posiblemente falsas" e que presentaban "similares características".
"Aínda que nun primeiro momento non se decataron da falsidade das mesmas, por ser entregadas en horarios e a empregadas diferentes, posteriormente chamoulles a atención a coincidencia dos fármacos solicitados, así como a firma da colexiada, ao ser esta de un centro médico de Madrid", explica a Policía.
Un dos detidos foi interceptado na propia farmacia, ao presentar varias receitas supostamente asinadas por unha médica colexiada da zona de Móstoles, "o cal fixo sospeitar á empregada por ser
Por iso, a "rápida comunicación ao 091", resaltan as mesmas fontes, permitiu a detención in fraganti do presunto autor deses feitos. Ademais, as investigacións iniciadas polo Grupo de Estupefacientes da Comisaría de Santiago de Compostela permitiron identificar e, posteriormente, arrestar aos outros dous integrantes do grupo, aos que imputaron senllos delitos de falsidade documental.
Froito das pescudas, a Policía comprobou que este grupo "non só actuaba na cidade de Santiago, senón que a súa rede estendíase aos concellos lindeiros de Ames e Teo", engaden as mesmas fontes policiais.
DENUNCIAS. A doutora cuxo número de colexiada utilizábase para a obtención das receitas tamén presentou sendas denuncias en Madrid polo uso fraudulento da súa identificación na emisión de prescricións. Segundo indicou, tivo coñecemento deste feito por parte dos colexios de Farmacéuticos de Granada e A Coruña.
A intervención policial nese operativo foi realizada por funcionarios adscritos ás Brigadas Locais de Seguridade Cidadá e Policía Xudicial da Comisaría Local de Santiago de Compostela e os feitos postos en coñecemento da autoridade xudicial.
