Un operativo de procura conformado por efectivos da Garda Civil, Protección Civil de Entrimo e o GES de Lobios trata de localizar a un sesaxenario que leva desaparecido desde a tarde de onte, cando saíu a pescar, sen que se tiveron máis noticias del.
Segundo informou Urxencias, o home saíu a pescar, no seu coche, e non regresou ao seu domicilio e nada se sabe del, mentres que o seu vehículo foi atopado na zona portuguesa do río Limia.
Por este motivo, os servizos de Urxencias activaron o protocolo Ariem 112, un proxecto europeo que facilita a coordinación das urxencias entre Galicia, Castela e León e norte de Portugal.
Desde entón, incorporáronse aos labores de procura os servizos de urxencias de Viana do Castelo e axentes da Garda Nacional Republicana.
Por parte galega, participan axentes da Garda Civil, Grupo de Urxencias Supramunicipais (GES) de Lobios e Protección Civil de Entrimo.
O Instituto Armado alertou da desaparición desta persoa.
Desaparece un sesaxenario de Entrimo pola zona do Limia portugués
O home saíu a pescar martes e o seu coche foi localizado preto da beira portuguesa. Corpos de seguridade de ambos os países traballan na súa procura