martes. 19.10.2021 |
El tiempo
martes. 19.10.2021
El tiempo

Denuncian o desafiuzamento dunha nai de 30 anos e os seus dous fillos

A plataforma Stop Desafiuzamentos de Ourense denunciou este sábado a situación dunha muller de 30 anos, veciña de Ourense e nai de dous nenos, que se quedou sen vivenda ao non poder facer fronte ao aluguer do piso tras esgotar as diferentes prestacións.

Nun comunicado, este colectivo sinalou que unha "vez rematados os recursos" esta persoa quedouse sen piso, consecuencia "desta estafa, que non crise" económica.

En 2013, a plataforma recibiu ata "unha trintena" de casos de persoas "con problemas de vivenda", a piques de verse inmersas en procesos xudiciais ou con situacións en trámite por falta de pagamento de hipotecas, a pesar das conversacións mantidas coas entidades bancarias e a colaboración do Colexio de Avogados de Ourense.

Tamén aclara que no caso de Ourense, a maior parte de afectados optaron polo seu anonimato, ao contrario que noutras cidades galegas, onde si han visibilizado a súa situación.

Na actualidade, esta familia foi acollida por integrantes de Stop Desafiuzamentos Ourense, segundo indicaron fontes da plataforma, aínda que apelan " intervención urxente" das administracións, "Concello de Ourense e Xunta de Galicia".

"Son os servizos sociais, municipais e autonómicos, os que deben atender estes casos de extrema necesidade", concluíron.

Denuncian o desafiuzamento dunha nai de 30 anos e os seus dous fillos
comentarios