A Policía Local de Ferrol denunciou o dono dun establecemento no que había uns 50 mozos sen máscara protectora por incumprir a normativa establecida ante a pandemia de covid-19.
Atendendo á información divulgada este mércores pola Policía Local, os axentes foron requiridos o pasado sábado sobre as 20.15 horas para acudir ao local pola presenza dun grupo de mozos "que non cumprían as medidas de seguridade". No lugar atoparon 50 "persoas sen máscara protectora e sen manter a distancia de seguridade".
Por iso, a Policía Local indicou ao dono do establecemento que sería denunciado e desaloxou o local.
