A maxistrada do Xulgado de Instrución número 7 de Vigo decretou a posta en liberdade dos tres investigados por un delito de agresión sexual tras supostamente violar en grupo a unha moza na cidade olívica.
Os feitos ocorrerían a principios do pasado mes de setembro, cando estes tres homes supostamente agrediron sexualmente a unha muller nun domicilio da zona de Travesía de Vigo.
Os tres sospeitosos foron detidos por efectivos da Policía Nacional e, tras pasar a disposición xudicial, decretouse o seu ingreso en prisión o pasado 7 de setembro.
Con todo, agora a xuíza deixa en liberdade aos tres homes. Como medidas, impúxolles a obrigación de comparecer cada 15 días no xulgado e a prohibición de saír do territorio nacional.
Ademais, a maxistrada solicitou a retirada do pasaporte, así como a prohibición de renovalo, así como a prohibición de aproximarse e comunicarse coa denunciante.