Dá positivo en covid-19 un recluso da Lama

Un recluso do cárcere pontevedrés de A Lama deu positivo nunha proba de control de coronavirus, informaron a Efe fontes do servizo de Institucións Penais.

Precisaron que é primeiro caso de infección que se detecta nese centro e subliñaron que se trata dunha persoa que estaba en réxime de terceiro grao, que lle permite saír ocasionalmente, e que estivera fóra por un asunto xudicial.

Sinalaron que o recluso regresara ao centro e estaba en corentena preventiva e que este luns foi sometido a unha proba PCR na que deu positivo.

Engadiron que debido a que estaba corentena non hai risco de que contaxie a outros reclusos ou persoal dese centro penal.

Segundo as citadas fontes, trátase do terceiro caso de infección de reclusos detectado en Galicia. Os outros foron na prisión de Teixeiro e trátase de dous reclusos que estaban tamén en terceiro grao e que foran sometidos a corentena antes de someterse a probas para detectar a infección.