Galicia continuará na influencia das baixas presións situadas ao oeste de Fisterra durante este mércores. Os ceos estarán parcialmente cubertos, con choivas probables en calquera punto, aínda que máis frecuentes e intensas na franxa atlántica, que poderán vir acompañadas de aparello eléctrico.
Pola súa banda, as temperaturas sufrirán un lixeiro descenso. Entre as sete cidades, a máxima será de 16 graos en Vigo e a mínima de 8 graos en Lugo. A cota de neve estará nos 1.200 metros de altura en Lugo e Ourense.
Segundo a información de Meteogalicia, o vento soprará de compoñente sur, con refachos fortes no litoral e zonas altas. De feito, haberá aviso amarelo por este motivo na costa coruñesa a partir de mediodía.
