Especialistas da Policía Científica inspeccionan a vivenda do párroco da localidade ourensá de Vilanova dos Infantes, Adolfo Enríquez Méndez, de 77 anos, onde foi achado morto a tarde do mércores na palleira anexa á casa reitoral.
Polo momento investíganse a causa da morte, que podería ser violenta, xa que o corpo do cura presentaba un golpe na cabeza. Dado que, segundo fontes policiais, o domicilio do sacerdote atopouse revolto, non se descarta que sexa vítima dun brutal roubo.
Enríquez Méndez foi párroco do lugar durante catro décadas e os veciños afirman que notaron en falta ao párroco desde o pasado luns.
O alcalde de Celanova di que o párroco axudaba á xente necesitada
O alcalde de Celanova, José Luis Ferro (PP), sinalou que o párroco era unha persoa xenerosa que "recibía á xente necesitada" e prestaba axuda económica e de calquera outro tipo. O rexedor municipal visitou a pedanía de Vilanova dos Infantes e comentou á prensa que se atopan á espera do resultado da autopsia, así como do resultado da investigación.
Da vivenda, comentou que todo nela estaba "patas para arriba" e que se baralla se falta a figura da Virxe do Cristal, a imaxe mariana máis pequena do mundo, con só cinco centímetros de alto, e que preside a romaría que se celebra cada 15 de setembro. Ferro aludiu á devoción que o sacerdote sentía por esta imaxe, recuberta por unha "boliña de cristal, elíptica". "Era un fervoroso devoto da imaxe e impulsou moito a súa devoción", concluíu.
Tras horas de búsqueda, os investigadores non deron co paradoiro da talla da Virxe do Cristal na vivienda.
