Efectivos do servizo de extinción de incendios forestais de Galicia controlaron un lume iniciado na madrugada do martes ao mércores no municipio pontevedrés de Mondariz e que, ata o momento, afectou a unha superficie de 21 hectáreas.
O incendio, segundo informou a Consellería de Medio Rural, detectouse pouco despois da medianoite en Santa María de Gargamala. Foi controlado nove horas despois, sobre as 9.30 da mañá. Foron mobilizados tres axentes, sete brigadas e cinco motobombas.